Illu arferit saarnginik ulikkaartoq
Amagerimi Københavnimiittumi pisiniarfiutimini Tranhusetimi tuniniarsimavai, maannali Orpippassuarnut Pinngortitamullu nakkutilliisoqarfimmit arsaarinnissutigineqarsimapput.
Saqqummersitsinermi arferit kigutaannik kalaallit tupilaliaat 87-it ajaappissallu marluk arferit kigutaannik tigummivillit ilaapput. Tuniniaajutigaluni saqqummersitsinermi saqqummersitat 164-iusimapput, angutillu saqqummersitani akitsuuserivimmit allagartalersimanngilai.
- Orpippassuarnut Pinngortitamullu nakkutilliisoqarfimmit aallartitaq isumaqarpoq, saqqummersinneqartut annersaat Kalaallit Nunaanneersuusinnaasut, unnerluussisoq oqarpoq.
Orpippassuarnut Pinngortitamullu nakkutilliisoqarfik saqqummersitsineq pillugu nalunaarfigineqarsimavoq politiinullu angut unnerluutigaat. Tassalu arsaarinnissutiginninnermik 200.000 koruuninillu akiligassiinermik kinguneqarluni.t om.