Illu aqqusinissaqanngitsoq sananeqaratarsinnaavoq

Illuliortoqartinnagu nalinginnaasuuvoq aqqusinnioqqaarnissaq, Ilulissanili Piginneqatigiilluni illulioqatigiit aqqusinissartik kingulliullugu sanasariaqarsinnaavaat. Peqatigiiffiammi toqqammavissamik kommunemiit tunineqarsimavoq eqqarsaatiginngivillugu tamaani kollegialiortoqarsinnaasoq aqqusinerlu Namminersornerullutik Oqartussanit pigineqartoq.

Kommuneingeniør Anders Eistrup Jensen ippassaq saaffigigatsinni oqaqqaaraluarpoq pisoq pillugu Namminersornerullutik Oqartussanut saaffiginnittoqarnikuusoq. Tamannali pillugu Ineqarnermut pisortaqarfimmi atorfilik Karl Møller ima oqarpoq:

- Ulloq manna tikillugu tusagaqarnikuunngilagut

Kommuneingeniør Anders Eistrup Jensen ullumi ima oqarpoq:

- Toqqammavimmik tunniussinitsinnut atatillugu maluginiaqquarput Piginneqatigiiilluni Illuliortut aqqusinermik atuinissartik anguniassagaat, tamannalu akiliinikkut anguneqarsinnaanerarlugu.

Piginneqatigiilluni Illuutileqatigiit siulittaasuat Karen Siegstad oqarpoq nakkutilliisoqarlutik ingerlatsisumik. Nakkutilliisorlu oqarpoq suliaq illunik titartaasarfimmut Namminersornerullutik Oqartussat sinnerlugit kollegianik suliaqartumut ingerlatissimallugu.

Taanna titartaasarfimmi 6B-mi atorfilik oqarpoq taamani Namminersornerullutik Oqartussat Piginneqatigiilluni Illuliorniamit tapiissuteqarnermigut aamma aqquserngup atornissaanut akuersissummik tunisisimasutut nalilerneqarsinnaasoq.

Tamannali Namminersornerullutik Oqartussanit isumaqataaffigineqarnani imatut naliliisoqarpoq:

- Tassa imatut naliliinnarsinnaavarput aqqusineq naammassigutsigu matuinnarsinnaallutigu taava tappikunngarniarunik allatigoortariaqassapput, Karl Møller Ineqarnermut Pisortaqarfimmeersoq oqarpoq. Kommuneingeniør Anders Eistrup Jensen oqarpoq Piginneqatigiilluni Illulioqatigiit aqqusinermik atuisinnaanngikkunik nammineerlutik aqqusinniuunnarumaartut.

Karl Møller oqarpoq pisoq manna killormut ingerlanneqartoq, tassami kommunep sanaartortoqalertinnagu akuersissutit tamakkiisut pissariarereersimasussaagaluarmagit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat