Assi: Oline Nielsen/Facebook

Illorsuarni innaallagiamik imermillu pilersuisoqarunnaalersoq

Illorsuarni imermik innaallagissamillu pilersuinerit ataasinngornermi septembarip ulluisa sisamaanni matuneqassasut Nukissiorfiit nalunaarutigaat.

Nukissiorfinni sulisut sulinerminni isumannaatsuuniissaat Nukissiorfinnit qulakkeerneqarsinnaanngimmat, Illorsuarni imermik innaallagissamillu pilersuinerit matuneqartariaqassasut suliffeqarfiup nalunaarutigaa.

AAMMA ATUARUK Illorsuit og Nuugaatsiaq skal ryddes for miljøfarlige materialer

Karrat Kangerluani aasaq manna tassaarsuaqarnerata kingorna Illorsuarni innuttaasut juunip ulluisa 17-ianni qimagussorneqarput, Illorsuillu Nukissiorfinni sulisunit sivikitsuinnarmik tikinneqartarsimallutik, assersuutigalugu uulialiisoqarlunilu nillusaammik immiisoqarnissaa isumagineqartarluni.

- Taamaattoqarnerali ingerlaannarsinnaanngilaq tassami Nukissiorfiit uagut sulisutta isumannaatsuunissaat qularnaarsinnaanngilarput. Taamaattumik Illorsuarni innaallagissamik imermillu pilersuinerit matuneqassapput, Nukissiorfiit tusagassiuutinut nalunaarummi taama ilaatigut allaaserisaqarput.

Nuugaatsiami Illorsuarnilu isumannaallisaanermut pissutsit Nukissiorfinnit ingerlaavartumik malinnaavigineqarput, qaqqamit sisooqqittoqassagaluarpat kalerrisaarutinik ilaatigut ikkussuisoqartarluni.

Kalerrisaarutinilli taamaattunik piffissami qaninnermi ikkussuisoqarnissaa Nukissiorfinnit ilimagineqanngilaq, isumannaallisaanermullu upalungaarsimaneq taamaalilluni Nukissiorfinnit naammaginartinneqanngilaq imermillu innaallagissamillu pilersuineq matuneqartariaqalerluni.

AAMMA ATUARUK Illorsuarmiut pigisaat aaneqartut

AAMMA ATUARUK Politiit illorsuarmiunik qimagussuipput

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat