Uummannap eqqaani Illorsuarni aalisartut marluk ajunaarsimasut, Nuummi politiini fuldmægtigi Klaus Meinby nalunaarpoq.
Novembarip 22-ani unnukkut annanniummik aallartitsisoqartoq, Nuugaatsiarmiut takunnissimapput, piffissallu taassuma nalaani aalisartut marluk Illorsuarmiuusut tammaaneqalersimallutik.
Uummannap kommuneani innuttaasut politiillu ujaasereerlutik angutit marluk tammaaneqartut ajunaarsimasut ullo´qeqqalersoq nassaarineqarput.
Angutit ajunaarsimasut Uummannap eqqaani qeqertap eqqaani sissap sinaani ipeqqasut nassaarineqarsimapput, angallatigisaallu ungasinngisaani kiveqqasoq nassaarineqarsimavoq.
Ajunaarsimasunut ilaqutaasut nalunaarfigineqareersimapput.