Illoqqortoormiut siunissaat oqallisigineqartoq
Tamakku atuutilersinnissaannut iliuusissatut innersuussutit piviusunngortinnissaannut kommunalbestyrelse qanoq iliuuseqalersaarpoq.
Ilaatigut meeqqat inuusuttullu akornanni nukittorsaasoqassalluni. Meeqqat inuusuttullu inooqataanikkut illinniagaqarnikkullu nukissaqassusaasa annertusarneqarnissaa suliniutini pingaarnerutinneqarpoq. Suliniutit atuarfimmi aallartisarneqareerput. Illoqqortoormiini atuartut angajulliit atuarnerat ukioq kingulleq naammassisikkiartorlugu Nuummut januaarimi Tasiilamullu decembarimi nuutsinneqarput. Kommuneqarfik Sermersuumit tusagassiutinut nalunaarummi taama ilaatigut allassimasoqarpoq.
Taakku saniatigut suliniutini qulini meeqqat inuusuttullu ilinniartitaanissaat pingaarnerutinneqarpoq. Inuusuttut Piareersarfittut ikiortigalugit ilaatigut illut panertiterivinngorlugit iluarsartuunneqassallutik.
Aamma Illoqqortoormiuni innuttaasut inuttut ataasiakkaatut imminerminnut tunngatillugu attassiinnarnissaq pillugu takorluugaat, eqqarsaataat neriuutaallu qitiutillugit apersorneqarnissamik neqeroorfigineqarsimapput.
Suliniutit amerlanerpaat ukiup tulliata ingerlanerani aallartinneqassasut Kommuneqarfik Sermersuumit oqaatigineqarpoq.
