Illoqqortoormiut eqqaannilu assit sakkortuut

Assit Tunumi Illoqqortoormiuni eqqaanilu pisut, ukiuni kingullerni qulini katersorneqarsimasut, pinngortitami assiliisartumit, Carsten Egevangimit assilineqarsimasut, saqqummersinneqassaapput, taaguutigalugu tuluttut, LIFE AT THE EDGE, tikinneqarpiarneq ajortumi inuuneq, assillu saqqummersinneqartussat oqaluttuarissavaallusooq Illoqqartoormiuni eqqaanilu inuuneq. Assit 28-it qalipaateqanngitsut Kitaani illoqarfinni arfinilinni takuniarneqarsinnaassapput.
Allattoq Apollo Jeremiassen
novembarip 11-at 2013 06:53

Nunatsinni assilisanik kusanartunik Maniitsormiut takorusukkuni, ullumi periarfissinneqarput.

- Kalaallit Nunaanni assilineqarnerpaasartut soorlu seqerngup tarrilernerani iluliarsuarnik assit, qilalukkat imaluunniit apersortittut kalaallisoortut assigi amerlavallaaleraagata tamakkuninnga qatsussineq pilersarpoq, Carsten Egevang oqarpoq imalu nangilluni.

- Assit maanna saqqummersitassakka inuit Illoqqortoormiormiut inuunerannik oqaluttuartuupput sakkortuut, assilisartakkannut allanut naleqqiullugit. Taamaattumik qinersimavara assit qalipaateqanngitsut saqqummersissallugit soorlu sila qulisimasoq, ukiumi anorersuaq, aak silalu issittoq, Carsten Egevang oqarpoq.

Taanna uummassulerituutut ilinniarsimasuuvoq Nunatta Pinngortitaleriffiani sulisuusimalluni.

Carsten Egevangip assilisai, Maniitsumi kommunip allaffiani ullumi saqqummersinneqarssapput aappaagulu illoqarfinni Sisimiuni, Qaqortumi, Paamiuni, Nuummi Ilulissanilu saqqummersinneqassallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq