Illoqqortoormiuni pølsituunnialeqaat

Pølsevognip nunarsuarmi angalatunersaasup Illoqqortoormiormiut tamaasa sapaatiuppat pølsillerfiginiarlugit qaaqquai. Suliniummik ingerlatsisup Fanny Posseltip pølsevogniutini Tunuliartissimavaa.

- Illoqqortoormiunut tikinnissatsinnut qilanaaqaagut. Nuummit ingerlaqqinnaveerluta ulluni marlussunni uninngavugut, pølsevogni Illoqqortoormiunut apuutereerpoq, aallartinnissatsinnullu pissangaqaagut, suliniummik aqutsisuusoq, Fanny Posselty, taama oqarpoq.

Hotdogitornissaq immaqa immini naammakkaluartoq suliniut pølsitornissamik taamaallaat siunertaqanngilaq.

- Pølsevogni atorlugu sulinitsinni nunarsuarmi inooqataaniarnikkut ajornartorsiuteqartut pitsaanerusunik atugassaqartinnissaat sulissutigaarput. Maannalu tassa Kalaallit Nunaannut tikippugut, Illoqqortoormiullu Kalaallit Nunaanni inooqataaniarnikkut ajornartorsiorfiunerpaammat tassunngarnissarput toqqarsimavarput.

Inuillu oqaloqatiginiarnissaanut Fanny Posseltip pølsevoginip atornissaa isumassarsiarisimavaa.

- Pølsevogini oqaloqatigiinnermik aallartitsinissamut pitsaalluinnarpoq. Inuit naapittarfigaat pitsaalluinnartoq, taamaammat pilersinniakkatsinnut aallavittut atorparput. Matumanilu illoqarfimmut tamaasa sapaatiuppat pølsillerfigalugit qaaqquagut, hot dogitortitsiutigalutalu illoqarfimmut oqaloqatigerusuppagut.

Illoqqortoormiunut aqqusineqanngimmat pølsevognip illoqarfimmut assartortinnissaat pilersaarusiornera imaannaasimanngilaq.

Pølsevogni tikikkutta apuutereersimaniaqqullugu Danmarkimit umiarsuarmik septembarip qaammataani nassiupparput.