Tasiilami eqqartuussiviup aalajangerpaa angut 31-inik ukiulik Illoqqortoormiuneersoq sapaatip-akunnerini sisamani tigummigallagaassasoq pinngitsaaliisimasutut unnerluutigineqarnini peqqutigalugu.
Illoqqoortoormiuni politiit naapertorlugit angut pineqartoq sapaatip-akunnerata naanerani arnamik artuleqqasumik pinngitsaaliilluni atoqateqarsimavoq.
Angut siusinnerusukkut persuttaanini pillugu pineqaatissinneqareersimavoq ullunilu 45-ini isertitsimmiittussanngortinneqarsimalluni.