Illoqqortoormiuni piniartut unioqqutitsipput

Piniarnermut naalakkersuisoq Finn Karlsen ajuusaarpoq tupallunilu, avataaniit isigineqarnermut innarliutaasinnaammat. Politiit misissuinerat nalunaarusiornissaallu utaqqineqarpoq.

Piniartut Illoqqortoormiormiut unioqqutitsisimappata ajorluinnaqqissarpoq taamaalioqqusaanngilluinnarpoq Piniarnermut naalakkersuisoq Finn Karlsen oqarpoq. Qilalakkut pisarineqarsinmasut imaaliinnarlugit qimassinnaanngilaat, mattaat ilaannaalluunniit piiginnarlugit.

Illoqqortoormiuni piniartut qilalugartami neqaannik qimatsiinnarsimanerat politiinut nalunaarutigineqarput, politiillu nalunaaruteqarnissaat Piniarnermut naalakkersuisup Finn Karlsen-ip utaqqiniarpaa, qanoq iliuuseqartinnani.

Illoqqortoormiuni piniartunut isiginninneq innarlerneqarsinnaavoq, Finn Karlsen oqarpoq.

Illoqqortoormiut kommuneani borgmesterip Erling Madsenip Illoqqortoormiuni piniartut qilalugartami ilaannik qimatsisariaqarnerat pillug ima oqarpoq: Qalaatsivimmi qilalugarniartarfimmi qilalukkat pisat pisarineqaraangata pingaarnerit Illoqqortoormiunut assartorneqartarput tunitsivimmullu oqqunneqartarlutik, taava sinneri kingusinnerusukkut aaneqartarlutik. Piffissami kingullermi Illqqortoormiuni eqqaanilu silarlussimavoq, taamaattumillu qilalukkat pisat sinneri aaneqarsinnaasimanatik.

Tunumi qilalukkat killeqanngitsumik pisarineqarsinnaapput, taamaallaat qilalukkat piaraat milutitsisullu piniaqqusaanatik.

Qalaatsivimmi qilalugartat 48-t sinnikui takornarianit aggustip ulluisa 17-ianni naammattoorneqarput.

Tunumi qilalukkat killeqanngitsumik piniarneqarsinnaapput, taamaallat piaqqat milutitsisullu

piniaqqusaanatik.