Illoqqortoormiuni piniartut aallarteqqinnissamut qinnuteqaqquneqarput
Aalisarnermut piniarnermut Nunalerinermullu pisortaqarfimmi allaffimmi pisortaq, Lars Geråe, qinnuteqaammut akissuteqartuuvoq. Taanna piniartunut kaammattuivoq,aallarteqqinnissamut taperserneqarnissamik qinnuteqassasut, aamma sillimmatinik akiliisimanngikkaluarunilluunniit.
Naak taperserneqarnissaminnut qinnuteqarnerminni tunngavilersuutissaat tulluutinngikkaluartut.
Piniartoq aallarteqqinnissamut tapiiffigitissaguni, soorlu atortunik annaasaqarsimassaaq, timikkut allamik pissuteqarluni sulisinnaajunnaarsimasuussalluni imaluuniit pigisap ajoquserneranik kinguneqartumik qinnuteqarsinnaatitaavoq. Qinnuteqartoq minnerpaamik 2000-koruuninik annerpaamillu 25.000 koruuninik tunineqarsinnaavoq. Allaffimmi pisortaq Lars Geråe, piniartut aallarteqqinnissamut qinnuteqaqquneranut ima tunngavilersuivoq
-misilillugu immaqa una aallarteqqinnisamut tapiiffigineqarnissamut qinnuteqarnissaq, qinnuteqarsinnaaneq, soorlu sakkoorsersimangaanni assersuutigalugu aallarteqqinnissamut aningaasaateqarfimmik peqaratta, taanna taamaalilluta misileqquarput, qinnuteqarfigeqqullugu, Lars geåe oqarpoq.
Ukua qinnuteqarnerminnut tunngavilersuutaat tassunga naleqquppa?
- isumaqarpunga tassunga naleqqutinngitsut, allatut nipilerlugu immaqa qinnuteqartariaqassapput, tassunga naleqqussassangunikku, kisianni tunngaviatigut una qinnuteqaataat naleqqutinngilaq, Lars Geråe oqarpoq.
KNAPK-p siulittaasuata, Peter Olsenip piniartut qinnuteqarmata taperserpai, Aallarteqqinnissamullu taperneqarnissamik qinnuteqaqqusineq, iluaqutissartaqannginnerarpaa tamatigut qinnuteqartut itigartinneqartarmata
Illoqqortoormiuni piniartut maanna mattannik tunisisinnaanngoreeraluarput, kisianni piniartut ukiup affaa tunitsivissaqaratik aningaasanik isertitaqarnikuunngillat.
Illoqqortoormiuni piniartut peqartigiiffiani siulittaasup. Ejner Hammekenip qinnuteqaatertik tusarneqarnissaa pingaartippaa.
- aningaasatigullu assut ajornartorsiorsimalluta, akiligassatigullu assorujussuaq ajornartorsiuteqarluta, aamma qanigisatsinnut atorniartarnikuulluta tamakku tamaasa eqqarsaatigalugu pisariaqarpoq taperneqarnissarput, ikiorneqarnissarput, Ejner Hammeken oqarpoq
