Illoqqortoormiuni inuusuttut illutaarput

Illoqqortoormiuni ualeq manna illu inuusuttut illussaattut suliarineqarsimasoq ammarneqassaaq. Inuusuttunut illup suliarineqarneranut qallunaap erinarsortartup Erann DD-p kunngissakkut katinnerannut atatillugu erinarsuusiaanit qallunaat tunissutaannit aningaasanit sinneqartoorutineersunit aningaasalerneqarpoq.

Peqatigiiffiup Kalaallit Meerartaasa Illoqqortoormiuni meeqqat inuusuttuaqqallu ornittagaat ukiuni arlaqalersuni ingerlatereerlugu inuusuttunut illup pilersinneqarnissaa isumassarsiaraat.

Kunngissakkut katinnerannut atatillugu erinarsuutigineqartumut aningaasat isertinneqartut sinneqartoorutaat taamaalillutik kinguneqarluarput.

Inuusuttut namminneq illu iluarsaallugu suliaraat, qalipallugu eqqiarlugulu, pequtinillu atorunnaakkanik katersillutik. Akeqanngitsumik illup ilusissaata iluarsaannera kommunip suliaritippaa.

Inuusuttut persuarsiorlutik illutaartik ualeq manna ammassavaat, ilaatigut ilungersorlutik suliarisimasartik kusanartumik nunaqqatiminnut atoqqaarfissiornissaa takutissallugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat