Illoqqortoormiuni: IA Siumumit marloriaammik qinerneqarnerupput

Illoqqortoormiuni qinersisartut qinersinerisa takutippaat Inuit Ataqatigiit ajugaatinneqarujussuartut kiisalu Naalakkersuisoqatigiit kinguarujussuartut. Qinersisartut 129 Inuit Ataqatigiit qinerpaat, taamaasillutik Siumut marloriaammik qaangerlugit qinernerpaapput.

Qinersisoqaraagat Atassut Illoqqortoormiuni taaguunneqarnerpaasaraluarpoq, Inuit Ataqatigiit maanna 129-inik qinerneqarluni Illoqqortoormiuni ajugaarujussuarput. Naalakkersuisoqatigiit Siumut-Atassut ajorsarujussuartut.

Inuit Ataqatigiit 129-nik qinerneqarlutik Siumut marloriaammik qaangerpaat, taakku 64-inik qinerneqarmata, 2005-imut sanilliullugu pingasunik maanna qinernikinnerupput.

Inuit Ataqatigiit maanna 89-inik qinersinernik siuariarpoq, tassa 200 procentimik siuariarluni.

Atassut Illoqqortoormiuni tapersersorneqarluartaraluarpoq. Inatsisartunut kingullermik qinersisoqarmat 121-nik qinerneqartoq ukioq manna 21-nit qinerneqarpoq. 80 procentimik kinguariarluni.

Demokraatit 12-nit maanna qinerneqarput, kingullermik 24-nit qinerneqaraluarlutik.

Inuit Ataqatigiit siulittaasuata Kuupik Kleistip qinersinerup inerneri siulliit nuannaajallaatigai.

- Tupinnaqaaq, nuannaajallannaqaaq, Illoqqortoormiuni qinersinerup inerneri nunap sinneranut tikkuussisarput, kisianni upperiuminaappoq 50 procentimik siuariarnerput, illoqqortoormiuni qinersisartut qujaffigerujussuarpagut, Inuit Ataqatigiit siulittaasuat Kuupik Kleist oqarpoq.

Illoqqortoormiuni 2005-imi 2009-imilu qinersinerit:

IA: 2009-imi 129 - 2005-imi 40

Siumut: 2009-imi 64 - 2005-imi 67

Atassut: 2009-imi 21 - 2005-imi 121

Demokraterne: 2009-imi 12 - 2005-imi 24

Katusseqatigiit Partiiat: 2009-imi ? - 2005-imi 1

Sorlaat Partiiat: 2009-imi ?

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat