Illoqqortoormiuni ataatsimeeqatiserinnippoq

Peqqinnissamut Avatangiisinullu naalakkersuisoq, Asii Chemnitz Narup, Illoqqortoormiunut ullumi aallarpoq, ullut tallimat tappavaniissalluni.

Naalakkersuisunut ilaasortaq paasisassarsiorpoq, Illoqqortoormiuniinnerminilu napparsimmavik kigutileriffillu takusassavai.

Asii Chemnitz Narupip angalanera Illoqqortoormiuni napparsimmavimmi niviarsiap pisortaasup, Elisabeth Ettrupip, aaqqissuussaraa, Naalakkersuisunullu ilaasortap tikeraarnerani Elisabeth Ettrup aamma ataqatigiissaarisuussaaq.

Illoqqortoormiuni kommunalbestyrelsemut ilaasortat Asii Chemnitz Narupip aamma ataatsimeeqatigissavai, Peqqinnissamut Avatangiisinullu tunngassuteqartut ataatsimiinnermi oqaluuserineqassallutik.

Taakku saniatigut Pitsaaliuinermut ataatsimiititaliaq, Politiit, suliffeqarfiutillit namminersortut aamma Meeqqat ornittagaat Asii Chemnitz Narupip ataatsimeeqatigissavai.

Direktør Søren Rendal, Fuldmægtig Per Ravn Hermansen aamma Naalakkersuisup allattaa, Judithe Thulesen Asii Chemnitz Narupip angalaqatigissavai.