Illoqarfinni suliffissaaleqisut ikiliartorput
Nunatsinni illoqarfinni suliffissaaleqisut ikiliartorput.
Nunatsinni Naatsorsueqqissaartarfiup misissuineranit kisitsisit takutippaat ukioq manna qaammatini siullerni arfinilinni suliffissaaleqisut 1734-iusut,
siornamut naleqqiullutik ikileriarsimallutik.
Kisitsisit illoqarfinnit tamaneersuupput, sumiiffimmiillu sumiiffimmut assigiinnatik.
Paamiuni suliffissaaleqisut ikiliartungaatsiarsimapput, akerlianillu Nanortalimmi Aasiannilu amerliartuinnarsimallutik.
Kisitsisit nunaqarfinneersut pissarsiarinissaat ajornakusoormata, taakkunani suliffissaaleqisut pillugit kisitsisit misissuinermi uani ilaatinneqanngillat.
2004-mili nunaqarfinni suliffissaaleqisut 400-ngajaasimapput.