Illoqarfimmiut qallunaallu Demokraatilerisuupput

Ullumikkut qinersisoqartuuppat Demokraatit qinersisartut 30 procentinit qinerneqassagaluarput. HS Analyse-p qinersisartunik isumasiuinera  taama  inerneqarpoq, isumasiuinerullu takutippaa Demokraatit nunatsinni partiit annersarilersimagaat.

Demokraatit illoqarfinni qallunnaanillu soqutigineqarnerpaapput. Qallunaat 60 procentiisa Demokraatit qinissagaluaraat, illoqarfinnilu  31 procentinnassagaluartut misissuinerup takutippaa.

Siumut partiini tamanit nunaqarfinni soqutigineqarnerpaasoq nukittunerpaajusorlu qinersisuusaartitsinermi nunaqarfinni 40 procentinnappoq, Demokraatit nunaqarfinni 16 procentinnattut.

Inuit Ataqatigiit illoqarfinni nunaqarfinnilu nukittoqatigiipput, illoqarfinni 23 procentit nunaqarfinnilu 22 procentit qulakkeersinnaallugit.

Atassutip nunaqarfinni inuit tallimaagaangata ataaseq qinersisigaa, illoqarfinnili 16 procentit.

Demokraatit siulittaasuat Per Berthelsen oqarpoq isumasiuinerup inernera tuikkut pattalaarneqarnertut tigugini.

-Demokraatit imaannaangitsumik sukkassuseqarlutik siuariartornerannut partiit allat sinnerlugit qinikkat saqqumilaanngippallaarnerannik pissuteqartoq, Per Berthelsen oqarpoq.