Illoqarfik itsarsuarnisaq IS-imeersut aserorteraat

Syriami illoqarfimmi itsarnisarsurami Palmyrami aseruatiternerit nutaat russit sakkutuuisa filmiliaanni takuneqarsinnaapput. Illoqarfik peqqarniisaarniaqatigiinnit Islamisk Statimit 2015-imi tiguarneqarnerata kingorna, eqqaassutissat itsarsuarnitsat asseqanngitsut amerlaqisut aserorterneqarsimapput.
Asseq toqqorsivimmit Assi © : Wojtek Ogrodowczyk/Flickr Creative Commons
Allattoq Inge S. Rasmussen
februaarip 15-at 2017 14:32
Nutserisoq Simon Uldum -

Illoqarfimmi nunarsuarmi kingornussassat pillugit UNESCO-p allattugaataaniittumi aseruatiternerpassuit, russit timmisartuaqqamik ungasianit aquttakkamik filmiliaani qalipaateqanngitsuni ersernerlulaartunilu takuneqarsinnaapput.

Tamannalu takullugu ajuusaarnarpoq, Peter Fibiger Bang, Københavnip Universitetiani Saxo-instituttimi lektoriusoq taama oqarpoq:

- Illukut asseqanngilluinnartut akimarpaluttullu pineqarmata ajuusaarnarpoq. Ukiunik 2000-inik pisoqaatigipput. Uterteqqinneqarsinnaanngillat.

Eqqaassutissanillu itsarsuarnitsanik qaartiterineq isumaqarpasinngikkaluartoq, Islamisk Statip taamaaliornera pissutissaqartoq, Peter Fibiger Bangip oqaatigaa:

- Inunnut ikitsunnguanut sunik pioreersunik tamanik akuerisaqanngitsunut takutitsiniarneruvoq.

 

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq