Paamiuni kina borgmesterinngussanersoq suli aamma ilisimaneqanngilaq. Inuit Ataqatigiit Siumukkullu tamarmik sisamanik isertitaqarput, taakkulu ulloq naallugu isumaqatiginninniarput.
Tasiilami Siumumeersut Vittus Mikaelsen Jaappili Boasenilu borgmesterinngunniupput, aqagulu ataatsimiinnermi paasinarsissaaq kina borgmesterinngorumaassanersoq, Tasiilami Siumumi siulittaasuusoq oqarpoq.
Narsami borgmesterissaq Atassummeersuusinnaavoq, Siumumeersuusinnaavoq imaluunniit Inuit Ataqatigiinneersuulluni.
Uummanami sisamanngorpat aalajangerneqassaaq Siumukkunnersut Jakob Petersen imaluunniit Jens Lars Fleischer borgmesterinngussanersoq.