Illoqarfiit sisamat kultoorisiorfiupput
Suut tamarmik matoreeraluartut unnugu Nuummi unnuk kultoorisiorfik ingerlanneqassaaq. Suliffeqarfiit assigiinngitsut unnuk kultoorisiorfimmi peqataassapput.
Assersuutigalugu Nuup illoqarfiani kina sanilillammaanersoq A/S-INI-mit unammisitsissutigineqassaaq. Aamma ineqartut aligortuaqarnerarlutik saaffiginnittut qanoq pineqartarnersut paasinianeqarsinnaavoq.
Pinngortitaleriffimmiunut paasiniarneqarsinnaavoq assagiarsuit qanoq oqilatiginersut, aammalu atoqatigiittarneranut tunngasunik paasisassarsiortoqarsinnaavoq.
Nuummi unnuk kultuurisiorfimmi orninneqarsinnaasut 48-uussapput, tassani suliffeqarfiit 24-iussallutik. Inuit kultoorisiorfimmi alakkaasaqattaarniarunik akeqanngitsumik Nuup bussiinut ilaasinnaassapput.
Qasigiannguani Ilulissani Sisimiunilu unnuk kultuurisiorfik aamma ingerlanneqassaaq.
