ASSIT Illoqarfiit pingaarnersaanni uranimut akerliusut amerlapput
"Urani naamik" aamma "urani pillugu innuttaasut taasisinneqarlik" illoqarfiup qeqqani, innuttaasut Inatsisartut tungaannut inuit 400-500-ut ingerlaaqatigiinneranni, tusarsaapput. Inatsisartut ataatsimiittarfiata silataanut inuit apuummata politikerit majuartarfinnut anillapput.
Naalakkersuisut Siumuullu siulittaasuat, Kim Kielsen, illuatungiliuttunilu partiit annersaata Inuit Ataqatigiit siulittaasuat, Sara Olsvig, uranimut piiaanissamik taasisitsisoqarnissaanut tapersersuillutillu akerliunerminnik oqalugiarput, inuit amerlasuut "buh"-mik "jah"-millu nillianeranni.
Aasianni, Narsami, Qaqortumi, Tasiilami, Ilulissani, Qeqertarsuarmi, Narsarsuarmi Qassiarsummilu akerliusut tapersersuisullu aamma ingerlaaqatigiipput, Nanortalimmi ingerlaaqatigiinnissaq sila peqqutigalugu taamaatiinnarneqarsimasoq.
