Puisip neqaanik rullepølsiliatAssi: KNR

Illinnartuliortartut: Takornariat puisiminermik illinnartumik nerisassapput

Puisip neqaa allanartuliaralugu puisiminertorneq ajortunit nerineqarsinnaanngorlugu igasunit nuimasunit misilittarneqaleruttorpoq.

Puisip neqaa allanit immikkuullarisumik mamaqartoq kalaallit naggueqataasullu allat nerisannaaraat, amerlasuunillumi mamarisaalluni. Pusillumi neqaa suaasalik nunatsinni igaannaajuvoq.

Pisuisilli mamaanik allassartut amerlaqaaq, asseruutigalugu takornariat.

Taakkununngalu sassaalliutigineqarsinnaanngornissaa, igasut pikkorissut maanna misiligaleruttorpaat.

Igasoq iggarissutut ilisimaneqarluartoq nunatsinneersoq Inunnguaq Hegelund puisiminiliortunut ilaavoq:

- Inerisaqqinniarlugit. Aammami turistinik ulikkaarnialerpugut, aamma inuusuttut immaqa amerlasuut suaasatorumaneq ajorput, tassa tamakku pinerullugit aamma nutarsaasugut.

Pisoq igasut aaqqissuussaat New Arctic Kitchenimik taaguuteqarpoq. Tassa issittumi nerisarineqartut qitiutillugit nerisassioriaatsinik nutaaliaasunik, ilaatigut takornarianut iiuminarsarlugit igariaatsinik allaanerusunik, pilersitsiffiusoq.

Puisip neqaa kikkunnut tamanut tulluartumik tunisassiaalersinnaanera suliniummi New Arctic Kitchenimi aamma anguniarneqarpoq. Ilaatigut puisip neqaata piniartunut qanoq isertitaqarfiunerulersinnaanissaa ujartorneqarluni.

Pusip neqaanik nutaamik igariaaseqalenissamik misileraasut piniartut puisi tamakkerlugu tunigunikku aningaasanik isertitaqarnerulernissaat soqutiginartippaat.

- Taava aggueriaatsit allat atorlugit qanoq nalinga qaffassarsinnaanerlugu tassa tamakku misileraassutigaagut, Inunnguaq Hegelund taama oqarpoq.

Igasut ilaatigut puisip neqaanik panertuliat, pølsiliat, tingulialiat, siatat aamma nunap immallu naasuinik akuutissiat misileraanerminni ineriartortitaat pisiniarfinni tunisaalernissaat takorloorpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat