Illinnarsaakkanik inuussutissaleriffik
Illinnarsaakkanik inuussutissaleriffik Kulinarisk Akademy, aasartinnagu Narsami aallartinniarneqalerpoq. Hotel-inik ingerlatsisunut, inuussutissalerisunut igasunullu saaffiginnittuussasoq, Inuussutissalerinermi Ilinniarfiup, Inuilip pisortaa Esben Toftdahl oqarpoq.
- Akademy katersuuffiussaaq ilaatigut tunisassianik ineriartortitsiviusoq. Tassani aamma pisortat tulliinik pissortanillu, soorlu inuussutissalerisunut pikkorissarfiussaalluni. Tassa tarkonariartitsinernik sullitallit inuussutissalerisullu pisortat tulliinik amigaateqarlutik oqaluttarput. Imaluunniit tunisassiorfiit nerinartarfiilluunniit siunnersortaat ikiorneqarsinnassapput sulisuminnik pikkorissartitsiniarpata imaluunniit suliffeqarfimminninnik kusassaaniarpata.
Esben Toftdahl aperaara, atia Kulinarisk Akademy - sooq taama ataqqinarpasitsigisumik taaguutilik, inunnut taakkununnga saaffiginnittuunersoq. Akivoq sapaatip akkunnerata kingulliup naanerani Inuili-mi isumasioaqatigiittoqarmat ersersinneqaqqittoq inuussutissat illinnarsaakkat qanoq ullumikkut pingaartinneqartigisut. Aamma takornariat eqqarsaatigalugit inuussutissanik illinnarsaakkanik nunami tikeraarfigisami takusaqarnissaq pingaartinneqartorujuusoq erseqqissarlugu.
Inuilip pilersaarutigaa suliatik assigiinngitsut qarasaasiaq iluaqutigalugu nalunaarsorneqarnissaat tassuunalu neqeroorutitik aaneqarsinnaasut. Kisiannili aamma atorfissaqartinneqarunik saaffigineqasinnaallutik.
