Illersuisoq: Nukappiaqqap tigummigallagaasup pisinnaatitaaffini annaavai

Kalaallip nukappiaqqap siorna Aalborgimi arnamik 85-inik ukiulimmik inuarsimasup pinngitsaaliillunilu arnerisimasup pisinnaatitaaffini annaavai. Taamatut isumaqarpoq nukappiaqqap illersuisua Nicholas Symes, taassumalu eqqartuussisutigut suliassaq Europami inuit pisinnaatitaaffiinut tunngasunut eqqartuussivimmut maanna ingerlateqqippaa.
Allattoq Louise M. Kleemann
novembarip 12-at 2008 11:52

Nukappiaraq maanna 16-inik ukioqartoq qaammatini 13-ingajanni parnaarussaaqqavoq, tamannalu nukappiaqqap illersuisuata Nicholas Symesip naammaginartinngilaa.

- Isumaqarpunga inuarneq tunngavilersuutigalugu taama sivisutigisumik tigummigallagassanngortitsilluni parnaarussisoqarsinnaanngitsoq, eqqartuussissuserisoq Nicholas Symes oqarpoq.

Eqqartuussisitigut suliassaq kinguartinneqarpoq, oqartussaasummi nakorsanit eqqartuussinermut tunngassuteqartunit akuersissut utaqqimmassuk, Nicholas Symes Jyllandip avannaanni DR-imut oqarpoq.

Nalinginnaasumik inuusuttuaqqat 18-it inorlugit ukiullit eqqartuussivimmut sassartinneqalersinnatik qaammatini arfineq-pingasuni tigummineqarallartaraluarput. Eqqarsuussisutigut suliassaq illoqarfiup eqqartuussiviani eqqartuussisumut tunniunneqartussaagaluarpoq, maannali piffissami aalajangigaanngitsumi kinguartineqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq