Doris Jakobsen Jensen Kalaallit Nunaanni Qimussertartut Kattuffianni illersuisuuvoq. Asseq toqqorsivimmeersoq.Assi: Arctic Circle

Illersuisoq aamma Inatsisartunut ilaasortaq akuliuppoq: - Suliaq una ilinniarfigisariaqarparput

Doris Jakobsen Jensen (S) qimminik allanertanik qimminik qimuttoqarfinnut eqqussisoqarsimasinnaaneranik pasilliuteqartoqartillugu suleriutsinik eqaannerusunik ujartuivoq.

Doris Jakobsen Jensen (S) qimminik allanertanik qimminik qimuttoqarfinnut eqqussisoqarsimasinnaaneranik pasilliuteqartoqartillugu suleriutsinik eqaannerusunik ujartuivoq.

Kalaallit Nunaanni Politiit ulluni makkunani misissuleruttorpaat qimminik allanertanik Qeqertarsuarmut eqqussisoqarsimanersoq.

Tamanna Namminersorlutik Oqartussat suliassanngortitsereerneranni pivoq.

AAMMA ATUARUK Qimmit qimuttut pillugit suliaq: Unioqqutitsilluni eqqussisoqarsimasinnaaneranut politiinut tunniussisoqarsimavoq

Qeqertarsuarmut qimminik allanertanik eqqussisoqarsimasinnaaneranut pasilliutit 2018-imi januaarimi aallartipput. Taamani Kalaallit Nunaanni Qimussertartut Kattuffiat Qeqertarsuarmut qimminik allanertanik 2017-ip aasaanerani eqqussisoqarsimasinnaaneranik qeqertarsuarmi qimussertartunit pasilliutinik anngussivigineqarput.

Kattuffiullu illersuisua, aamma Inatsisartuni Siumut sinnerlugu ilaasortaq, Doris Jakobsen Jensen, taama pisoqarsimassappat akuerineqarsinnaanngitsoq isumaqarpoq.

- Tamanna ajuusaarnartorujussuuvoq aammalu akuerineqarsinnaanngilluinnarpoq. Taamatullu nalaatsisoqartillugu piaartumik iliuuseqartoqartarnissaa eqqarsaatigalugu sulianik assigiinngitsunik aallartitsisoqarnissaa kissaatiginarpoq, Doris Jakobsen Jensen oqarpoq.

Taamaattumik Doris Jakobsen Jensen Inatsisartut ukiaanerani ataatsimiinnissaannut kalaallit qimmiata qimussersuartoqartarneratalu qanoq ililluni kulturikkut piujuartinneqarsinnaaneri pillugit Naalakkersuisut misissueqqullugit peqquneqarnissaannik inatsisartut aalajangiiffigisassaatut siunnersuuteqarsimavoq.

- Isumaqarpungalu una ajoraluartumik pisoq ilinniutigisariaqaripput. Taamaammat inatsimmik nutaamik, qimminut qimuttunut illersuisumik, peqalernissaa kaammattuutigivara, Doris Jakobsen Jensen oqarpoq.

AAMMA ATUARUK Qimmit qimuttut pillugit suliaq: Unioqqutitsilluni eqqussisoqarsimasinnaaneranut politiinut tunniussisoqarsimavoq

Doris Jakobsen Jensenillu siunnersuummini - novembarip arfineq-aappaanni siullermeerneqartussami - isertuutinngilaa Qeqertarsuarmi suliaq tupatsitsisimasoq.

- Taamaammat immikkut illersuinissaq aammalu periutsit eqaannerusut qulakkeerneqarnissaat Kalaallit Nunaanni Qimussertartut Kattuffiannut illersuisutut sakkortuumik kaammattuutigivara, Doris Jakobsen Jensen oqarpoq.

Aalisarnermut piniarnermullu Naalakkersuisup, Siumumeersup Jens Immanuelsenip, KNR-imut ilisimatitsissutigivaa Naalakkersuisut qimmit qimuttut kisiisa pillugit inatsisissamut siunnersuusiuleruttortut.

- Tassa inatsisissaq nutaaq upernaamut saqqummiussassaq sukaterissutaassaaq annertuumik. Aammalu kalaallit qimmianut qimuttumut tunngatillugu inatsisaassaaq. Taannalu qimmeqarfinni qimuttunut illersuisuussaaq.

Jens Immanuelsenip qimmit qimuttut pillugit inatsisissatut siunnersuut Inatsisartuni 2020-mi upernaakkut siullermeerneqarsinnaassasoq naatsorsuutigaa.

AAMMA ATUARUK Qimussertartut allamiut qimmiinik akusanngortitsisimasutut pasineqartut

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat