Illersuiniat: Ministeri puisit pillugit eqqunngitsuliorpoq

USA-mi Avatanngiisinik allanngutsaaliuiniarlutik suliniaqatigiit tutsiutillattaalerput Canadap kangisissuani puisinniarnermi pissuserineqartut pillugit paasissutissanik, Canadami aalisarnermut ministeri eqqunngitsunik saqqummiussisimanerarlugu.

The Humane Society of the United States-ip Canadap aalisarnermut ministeria tusagassiutit aqqutigalugit eqqunngitsuliorsimanerarpaat.

Ministeri oqarsimaneragaavoq puisinniarnermi alaatsinaatsut unnerluutigineqassasut.

Illersuiniaqatigiinnit Canadap aalisarnermut ministeria alaatsinaatsut iliornerannik pinerluttunngortitsiniaasimanerarpaat.

Illersuiniat inatsisilerituuata erseqqissarpaa alaatsinaatsitat puisinnianut akornusersuisimanerannut unnerluussisoqanngitsoq.

Canadamilu aalisarnermut ministereqarfimmi atorfilittat illersuiniaqatigiinnit alaatsinaatsitat tallimat puisinnianik akornusersuinissaminnik siumungaaq nalunaareersimasunik unnerluussissallutik eqqarsarnerarput.

Marsip qaammataani Canadami aalisarnermut ministerip alaatsinaatsut tallimat puisinniarfiusumut St. Lawrencep kuussuata akuanut qaninngoortut peersissimavai.

Taakkorpiaappullu illersuiniat nunatta puisit amiinik Canadamit eqqusseqqusiunnaarneranut peqqutaasut.

Canadamiut puisinniarnerannut qaammat ataaseq qaangiuppoq unitsitsiniaasimasunut ilaapput nipilersortartoq Paul McCartney, franskerlu filmiliaritittartuusimasoq Brigitte Bardot.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat