Illersuiniaqatigiit naaggaaqqusillutik tamaviaarput
juunip 22-at 2005 11:51
Inuussutissarsiutigalugu arfanniartarnissaq IWC-p ukiumoortumik ataatsimeersuarnermini oqaluuserimmagu uumasunik illersuiniaqatigiiffiit Danmarkip isumaanik allanngortitsiniaallutik sulissuteqangaatsiarsimapput.
Illersuiniaqatigiiffiit WSPA aamma Dyrenes Venner suleqatigiillutik postkortinik naaggaaqqusissutinik sanatitsisimapput, statsministerimut Anders Fogh Rasmussenimut toqqaannartumik nassiuteriaannarnik.
- Qisuariaatit amerlaqaat, kisianni siornatigumut naleqqiutissagaanni aamma taama amerlatiginngillat, ministereqarfik ilisimatitsivoq.