Illersornissaqarfiup qaammataasassaa kalaallisut taaguuseraat

"Ulloriaq", tassa Danmarkip illersornissaqarfiata qaammataasassaata siulliup taaguutissaa.
Qaammataasaq tassaavoq nanoteknologi atorlugu sananeqartoq. Mikisunnguuvoq: 10 cm x 20cm x 30 cm. Assi © : GomSpace
Allattoq Mads Lynge
juunip 13-at 2016 12:08

Qaammataasaq Ulloriaq, Forsvarets Materieltjenestep suliffeqarfiullu Aalborgimeersup GomSpacep DTU-llu isumaqatigiissusiorneratigut ineriartitnneqartussanngorpoq, aappaagulu 2017-imi avataarsualiartinneqarnissaa naatsorsuutigineqarpoq.

Qaammataasaq Kunngeqarfiup Kalaallit Nunaannut pisinnaatitaaffimminik naqissusiiniarneranut atorneqassaaq, pingasunillu antenneqassalluni. Kalaallit Nunaata imartaani silaannartaanilu angallanneq nakkutigineqarniarpoq, qaammataasarlu angivallaarnavianngilaq.

Qaammataasaq "Ulloriaq" Nunarsuatsinnit 700 aamma 800 kilometerisut qutsitsigisumi kaaviiaassaaq, Qalasersuup Sikuiuitsullu silaannartaat qulaattassallugit, Nunarput akunnerit 24-t ingerlaneranni 16-eriarlugu qulaattassallugu.

- Issittup nakkutiginiarneqarnerani qaammataasanut atortuvut atorneqarluarsinnaalluarput, GomSpacep pisortaanera oqarpoq.