Illersornissamut nunanullu allanut politikki Nunat Avannaamioqatigiit Siunnersuisoqatigiivini eqqartorneqapoq

Illersornissamut politikki pillugu oqallinnermi Naalakkersuisut siulittaasuat Aleqa Hammond oqaaseqarpoq, ilaatugullu nunat atlantikup avannaaniittut imartaanni sillimaniarnerup qanoq inissisimanera eqqaallugu.

-Kalaallit nunaata atlantikullu avannaatungaata nunarsuup immikkoortortaat siunissami suli ullutsinni ilisimasatsinnit pimoorussinerusumik aaqqissuussaa-nerusumillu nakkutigineqarnissaat pisariaqartinneqalissaaq, tassami nunarsuup immikkoortortaani tamaani umiarsuartigut inuussutissarsiutitigullu samminnin-nerit annertusiartuinnarmata, Aleqa Hammond oqarpoq.

Nunat avannarliit killiit nunanut allanut ministeriisa Nunallu avannarliit Killiit Siunnersuisooqatigiivisa siulittaasoqarfiata akornanni ataatsimiinnermi imaatigut isumannaallisaaneq sammineqarpoq.

-Uagut tungitsinnut maluginiarsimavarput, Canada-p qaammataasianik atortoqarluni nakkutilliisalernissaq pilersaarutigigaa, uagulli tungitsinnit isigalugu nunat avannarliit ataatsimoorullugu timmisartunik inutta-qanngitsunik Drone-nik atortoqalersinnaanermut periarfissat aamma  misissorneqarnissaat isumaqarfigaarput, Nunani Avannarlerni Killerni nunarsuup immikkoortortaani annertoqisumi nakkutilliisinnaasunik, imaatigut angallannermut isumalluutinillu atuinermut atatillugu. Tamanna ukioq manna Nunat Avannarliit Siunnersuisooqatigiivisa katersuunneranni oqaluuserissan-ngorlugu saqqummiussininnut tunngaviusoq”, Aleqa Hammond oqarpoq