Illersornissamut ministeri tullinnguuppoq

Nunanut allanut ministerit Issittumi siunnersuisoqatigiit ataatsimiinneranni peqataareerlutik aallarnialeruttortut qallunaat illersornissamut ministeriat Nuummut Kangilinnguanilu sakkutooqarfimmut tikeraarnialerpoq.
Allattoq Noah Mølgaard
maajip 13-at 2011 10:01

Illersornissamut ministeri Gitte Lillelund Bech Nuummut tikissaaq sapaat maajip 15-at pingaarnertut oqaluuserineqassalluni Kangilinnguani sakkutooqarfiup siunissami sumut inissinneqarnissaa.

Gitte Lillelund Bech Nuummut tikeraartussaagaluarpoq apriili aallartilaartoq, angalanissaraluali kinguartinneqariasaarpoq ministeriunerup Lars Løkke Rasmussenip 2020-mut pilersaarut oqallisaaqisoq saqqummiummagu taannalu malillugu illersornissamut ministeriaqarfik annertuumik sipaarniarfiusussaavoq.

Maannali tikeraarnissaq tassa inissineqarpoq. Kommuneqarfik  Sermersooq nittartakkamini allappoq Gitte Lillelund Bech nunatsinnut tikeraassasoq maajip 15-aniit 17-ata tungaanut.

- ­Illersornissamut ministeri Kalaallit Nunaannut tikeraarniarpoq issittumi sakkortooqarfiup sumiinnissaata aalajangerneqannginnerani pissutsit paasisassarsiorfigalugit, Kommuneqarfik Sermersooq taama allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq