Siunnersorti Issittumi sakkutooqarfiup Nuummi allaffiani, USA-p sinniisuata Sung Choip aamma allaffeqarfigisaani, allaffeqassaaq.Assi: Arktisk Kommando

Illersornissamut ministeri: Danmark Nuummi politikkikkut siunnersorteqalissaaq

Illersornissamut ministeri nunatsinnut tikeraartuni kisimiinngilaq.Taanna siunnersortimik ministereqarfiup Nuummi siunissami sulilersitassaanik ilaqarpoq.

Illersornissamut ministereqarfik politikikkut siunnersortimik Nuummi siunissami sulisitsilissaaq.

Siunnersorti qallunaat kalaallillu oqartussaasa akornanni apeqqutini sillimaniarnermut tunngasuni attaveqaataassaaq. Ritzau taama allappoq.

Illersornissamut ministerip Trine Bramsenip nunarput ullumi tikeraarpaa, siunnersortinngortussarlu suliassani ingerlaannartumik aallartissallugit tikeqataavoq.

- Kalaallit Nunaanni politikkikkut siunissami siunnersorteqassasoq aalajangerpunga. Issittumi sillimaniarnernikkut illersornissakkullu pissutsit allanngoriarmata taamaassaaq, Trine Bramsen Ritzauip allaaserisaa naapertorlugu oqarpoq.

Kina siunnersortaassanersoq tusagassiorfik allanngilaq. allapporli atuuffik Illersornissamut ministereqarfimmi qaffasissumi atorfilinnit paarlakaattunit inuttaqartassasoq. Siunnersorti Issittumi sakkutooqarfiup Nuummi allaffiani, USA-p sinniisuata Sung Choip aamma allaffeqarfigisaani, allaffeqassaaq.

Siunnersortitulli atuuffimmik pilersitsineq USA-p tamatut atuuffimmik pilersitsineranik peqquteqanngitsoq, Trine Bramsen erseqqissaavoq.

- Tamatuminnga qangali aalajangiivunga, taamaammat tamatumunnga tunngasuunngilaq. Una atuuffinitsitsineq qallunaat kalaallillu suleqatigiinnerannut tunngavoq, illersornissamut ministeri oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat