SF-ip tatiginninnginnermik oqarnera ""nikallornartutut" Lars Løkke Rasmussenip isigaa, Søren Gadellu tunuarnissaanik partiip piumasaqarnera "ajorsitsaarinertut" taallugu.
Illersornissamut ministerimut tatiginninnginnerminnik nalunaaruteqarnerminnut SF-ip tunngavilersuutigaa, sakkutuup immikkut sungiusakkap, Thomas Rathsackip, atuakkiaa "Jæger - i krig med eliten" Danmarkimi isumannaassutsimut navianartorsiortitsinersoq navianartorsiortitsinnginnersorluunniit illersornissamut qullersanit assortuussutaanera pillugu Søren Gade partiinut pitsaanerusumik paasissutissiisimasinnaagaluarmat.
Suna ajornartorsiutaanersoq Lars Løkke Rasmussenip takusinnaanngilaa. Naalagaaffinni atorfillit ministeriani assigiinngitsuni sulisut akornanni akulikippallaamik isumaqatigiinngittarnerarpai.
- Naalakkersuinermik suliallit akornanni tamanna ullut tamaasa pisarpoq... kisiannili qassiiliutigalugu ministerimut ajornartorsiutinngortinnera ajorsitsaarinertut uanga isigaara, Lars Løkke Rasmussen oqarpoq.