Illersornissamut isumaqatigiissut sakkutuulersornerunermik kinguneqassaaq

Illersornissaq pillugu isumaqatigiissut Kalaallit Nunaata pisariaqanngitsumik sakkutuulernissaanik kinguneqassaaq.

Taama isumaqarpoq siornatigut Kalaallit Nunaata sakkutooqarfiani pisortaasimasoq Axel Fiedler. Assersuutigalugu soorlu nunani issittuni isumannaallisaanikkut sakkutuuliinissamik taaneqartartoq danskit nunami tamaani eqqissimanaraluaqisumi sorsunnissamut sioorasaarinerissavaat, taanna taama oqarpoq.

Illersornissaq pillugu isumaqatigiissutaagallartukkut atsiorneqaqqammersukkut Danmarkip maanna Kalaallit Nunaata annertunerusumik sakkutuulerneqarnissaa aallartippaa. Taamatut isumaqarpoq siornatigut Kalaallit Nunaata sakkutooqarfianut pisortaasimasoq Axel Fiedler.

- Siunnersuut sorsunnerup nillertup nalaani pisimasuuppat tamanna paasineqarsinnaassagaluarpoq. Maannali sakkutuulersornikkut taamungaannaq eqqarsaatersorneq pineqalerpoq Danmarkimi illersornissamut aningaasaliissutit amerlaqisut akuersissutigineqarsimasut piviusunngortinniaannarlugit, taanna Radioaviisimut taama oqarpoq.

- Paasisara unaavoq tamanut tunngatillugu danskit nunami eqqissisimanaraluaqisumi sorsunnissamut sioorasaarisut, Axel Fiedler oqarpoq.

Illersornissaq pillugu isumaqatigiissummi Danmarkimi naalakkersuisut sapaatip akunnerata siuliani partiinik illuatungiliuttunik tallimanik atsioqatigiiffigisaanni erseqqissarneqarpoq, Kalaallit Nunaanni sakkutooqarfik Savalimmiuni sakkutooqarfimmut ilanngunneqassasoq. Isumaqatigiissummi takuneqarsinnaavortaaq nunat issittut nunani tamalaani soqutigineqaraluttuinnarnissaat ilimagineqartoq.

-Qalasersuup sermiata silap kissatsikkiartornerata kinguneranik aakkiartornera aatsitassarsiornermut periarfissiissaaq imaatigullu angallavinnik nutaanik ammaassilluni. Suliniutit amerliartorneranni nunap immikkoortuata nunap tamatuma assingani inissisimanera allanngortissavaa taamaattumillu siunissaq ungasinnerusoq eqqarsaatigalugu danskit illersornissaqarfianni unammilligassanik arlaqarnerusunik kinguneqarumaarluni, isumaqatigiissummi taama allassimavoq.

Tamanna pillugu 2014-ip naanerani nunani issittuni sakkutooqarneq pilersinneqassaaq, isumaqatigiissummi taama erseqqissaasoqarpoq. Tamatumunngali Kalaallit Nunaat naaggaartariaqarpoq, taama oqarpoq Kalaallit Nunaanni sakkutooqarfimmi naalagaanertaasimasoq.

-Kalaallit Nunaanniittussanik illersornissakkut sakkutuuliinissaq pillugu eqqarsarneq akerlilerneqartariaqarpoq danskit nunani issittuni sakkutuuliinissaat aammalu timmisartunik malersuutinik Kalaallit Nunaanniititaqarnissaat pillugu eqqarsaatit akerlilersornerisigut, taama Axel Fiedler oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat