Illersorniarlugit qaqqaqqalaanngilagut

Enok Sandgreen, Aasianni Borgmesteri nassuiaavoq: -Taamatut paasinnittoqarniariartoq, sulineq aallartinnikuuvoq, ikiuinasuartartunik peqarpugut, tassalu taakkua sulinertik aallartinnikuuaat, meeqqat angajoqqaallu sullinneqalernikuupput, Qaammaavik politiillu ikiorsiulluigit, Qaammaavimmi apersuinerit ingerlanikuupput.

Sooq ikiuigasuarneq isertuullugulusooq ingerlanneqarsimanersoq qanorlu ikiuineq ingerlanneqarsimanersoq apeqqutigigatsinni Enok Sandgreen imak nassuiaavoq:-Aamma ukiorpanngortuni aasianni misilittagaqarfiunikuupput taamaattumillu misilittakkat aallaavigalugit avammut oqaaseqarnaveersaarneq ingerlanneqarnikuuvoq taqittoqannginnissaa anguniarlugu, kisianni tassa sullinneqarput, angajooqqaat aamma ataasiakkaat telefonimik saaffiginniffissaannik pilersitsisoqarnikuuvoq aammalu sullinneqarlutik, taamaattumik sulineq ingerlavoq imatut avammut qaqqaqqalaarutigineqanngikkaluarluni aammalu massakkorpiaq siunnersuisartunik neqeroortitsisoqarpoq, tassa ikiuukkiartortussanik neqeroortitsineq ingerlanneqarpoq, taakkulu naammassippata sorliit tiguneqarumaarnersut naliliiffigineqassallutik, tassa ikiorneqassapput avataanninngaanniit.