Conan O’Brien unnukkut aallakaatitassiamini ”Late Night with Conan O’Brien”-imik atilimmit tusaamaneqarluarpoq, Emmy Awardsimilu aamma ilisarititsisuunikuulluni.Assi: Flickr.com / Gage Skidmore

Illarsaarisartoq Conan O'Brien nunatsinnukalersoq

Amerikap præsidentiata Donald Trumpip nunarput pisiarerusunnerareeraalu nunatsinnut soqutiginninneq imaaginnavippoq. Aliikkusersuisartoq Conan O’Brien, soqutiginnittunut ilaavoq, taannalu nunatsinnukartussanngorpoq.

Conan O’Brien amerikamit nunatsinnut sisamanngorpat tikissaaq. USA-p præsidentiata Donald Trumpip Kalaallit Nunaata pisiarinissaanut soqutiginnilluni uppernarsareeraalu quiasaarisartoq nunatsinnut tikeraarnialerpoq.
Taannalu Trumpip pisinialikkersaarneranut ima ilassuteqarpoq:
- Kalaallit Nunaat, aamma imaaliorsinnaavugut: Amerikamut ilanngunniariarussi peqqinnissaqarfitta aaqqissuussaaneranut ilanngutissaasi. Amerikap peqqinnissakkut aaqqissugaanera qanoq innersoq googlekkut paasiniarniaqinasiuk, Conan O’Brien quiasaarluni ataasinngormat aallakaatitsinermini oqarpoq.
Conan O’Brien unnukkut aallakaatitassiamini ”Late Night with Conan O’Brien”-imik atilimmit tusaamaneqarluarpoq, Emmy Awardsimilu aamma ilisarititsisuunikuulluni.
Aliikkusersuisartoq aamma allamik aallakaatitassiortarpoq, taanna “Conan without boarders”-imik ateqarpoq, kalaallisuunngorlugu “Conan killeqarfeqanngitsumik”. Aallakaatitassiami nunanut tamalaanut takornariarnera malinnaavigineqarluni. Taanna allaakaatitassiornerminut atatillugu Cubami, Koreami, Mexicomi Israelemilu angalareerpoq. Taassalu maanna nunatsinnukartussanngorpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat