Iliveqarfimmi eqqaaniaasarnissaq siunnersuutigaat

Iliveqarfiliartarnikkut artorsaatit sukkanerusumik qaangerneqarsinnaapput. Taamaammat illoqarfiit tamarmik iliveqarfinni eqqaaniaasarnissaat angorusupparput. Taama oqarpoq Narsameersoq Helga Motzfeldt 21-inik ukiulik.

Soorliuna iliveqarfimmut angalaaqatigiitarneq aallartinniaraat?

- Annermik angurusupparput annaasaqarsimasut kisimiittutut misigilertarneri qaangerneqarnissaat. Inuppassuuvugummi inunnik aannaasaqarsimasut, ilaannilu kisimiittutut misigilertarluta.

Tamanna annikillisinniarlugu iliveqarfimmi ataatsimoorsinnaaneq anguniarsimavarput. Pisariaqartinngilarpummi Narsarmiut kisimik tunniussiffiginissaat, aamma pisariaqarsorigatsigu sineriak tamarmi taamatut ingertiffiisinnaasasut. Narsamimi kisimi annaasaqarsimasut artorsaateqarneq misigineq ajoramikku, Helga Motzfeldt oqarpoq.

Qanoq ajornartorsiutit iliveqarfiliartarnikkut qaangerneqarsinnaagamik?

- Oqarsinnaangilanga ajornartorsiutit tamaasa tassuuna qaangerneqarsinnaasut. Kisiannili uanga nammineq misilittakkakka malillugit, inuusuttuaqqanik meeqqanillu iliveqarfiliaqateqartarnikkut iluaqutaasarpoq soorlu kamaqqajaarsarnermut tujorminernullu immaqa iliveqarfimmi ataatsimoornerni qialaarsimanerni eqqartueqatigiinernilu inuuneq nukissaqarnerulersutut misiginarsisarpoq, Helga Motzfeldt naggasiivoq.

Kalaallit Nunaanni Domprovsti Emma Balslev oqarpoq nunatsinni illoqarfiit amerlasuut toqusortaminnik iliveqarfinni oqaluffinnilu tussiaqatigiillutik eqqaaniaasartut.

Narsamiit anguniarneqartoq, nunatsinni illoqarfinni tamani toqusimasunik ukiumut ataasiarluni sapaat ataaseq atorlugu eqqaaniaasarnissaq eqqarsaataasinnaanerarpaa kisialli tassani Ilagiit sinniisaat peqataatinneqassasut oqaatigalugu. Kisiannili imaaliallaarnaq pisinnaangitsoq Emma Balslev-ip erseqqissaatigaa.

Helga Motzfeldtip ilanngullugu oqaatigaa toqusimasunik eqqaaniaasarneq ukiakkut ukiukkulluuniit taarsisalernerani sapaatit ilanni pisassasoq neriuutigalugu.