Iliveqarfik snescooterinit ingerlaarfigineqarsimasoq

Aasianni iliveqarfik snescooterinit ingerlaarfigineqarsimavoq, eqqaamiuinit ajuallaatigineqartumik. Pisoq politiinut suliassiissutigineqarsimanngilaq, kisianni politiit ataqqinneqqusillutik kaammattuipput.
apriilip 02-at 2008 14:18

- Ingerlaarsimavoq iliveqarfimmut iserluni kangia tungaatigullu aneqqilluni. Ingerlaarfigisimasaa imatut annertugisassaanngikkaluarpoq, kisianni assut ajuallaatigisimavarput. Assut kusanannginnami taavalu siunissami taamatut peqqittoqarnissaa kissaatiginanngeqaluni, Aasianni najugalik, John Møller, ullaaq igalaakkut ittuarami narrutsassimavoq, taamatut oqarpoq.

Pisoq Aasianni politiinut nalunaarutigineqarsimanngilaq, kisianni politiit ittuat, Gert Jakobsen oqarpoq, iveqarfiup saneraatigut snescooterinut aqquteqartoq.

- Aqqutigisartagartik taanna atuinnartarunikku ajornartorsiutaanavianngilaq. Kisianni iliveqarfittaatigoortussaanngillat, taanna qularutigineqartusasanngilaq, Gert Jakobsen oqarpoq.

Snescooterit illerngi liveqarfikkoortut John møllwerikkut takusinnaasimavaat, tassalu snescooterit iliveqarfimmut isersimapput. Gert Jakobsen-ip innuttaasut iliveqarfimmik ataqqinneqqullugit kaammattorpai.

- Serlersaarfigineqarsimasutut isigineqariaannaavoq. Snescooterertartut kaammattorniarpakka aqqutigisartakkatik atortariaqarpaat. Kisianni aamma inuit allat iliveqarfimmi serlersaarisussaanngillat. Iliveqarfik ataqqineqartussaavoq. Aasianni politiit ittuat Gert Jakobsen oqarpoq.