Iliuusissaq nunat siuttuisa isumaqatigiissutigaat
Aningaasarsiornermi ajornartoortoqarnermi iliuusissaq Europami nunat siuttuisa ippassaq isumaqatigiissutigaat.
Allattoq Louise M. Kleemann
oktobarip 13-at 2008 08:10
Nunat 15-it siuttuisa tatiginartumik patajaatsumillu aningaasarsiornikkut ingerlatsinissaq siunniuppaat, aningaaseriviit akornanni qularnaveeqquserallakkanik ajornaquteqanngitsumik atorniartoqarsinnaanera, matuginnarnissaagaluit pinaveersaartinniarlugit.
Frankrigip præsidentia Nicholas Sarkozy EU-mi siuttuusoq, Parisimi ataatsimiinnissamut aggersaasuuvoq.
- Pilersaarusiarput ajutoorfissaasinnaajunnartunut tamanut upalungaarsarnermik imaqarpoq, Sarkozy erseqqissaavoq.
Taamaalilluni aamma EU-mi naalagaaffiit karsiisa aningaaseriviit ajutuuinnginniassammata immikkut ittumik aningaasaliissuteqartarnissaat isumaqatigiissutaavoq.
