Iliuuserineqarsinnaasunik ujartuivoq

Oqaaserpassuit, inussiarnisaarneq torersumillu pissuseqarnissaq ukiorpassuarni atugarineqarput, ajornartorsiutinulli aaqqiissutaasinnaasut aamma Islandip Savalimmiut nunattalu suleqatigiissutigisinnaasai eqqartorneqarpiarneq ajorput. Nunani avannarlerni killerni aalisarnermut politikki EU-mullu tunngasut attuumassutilinnit tamanit Savalimmiuni naggataarutaasumik oqallisigineqarmata Royal Greenlandip siulittaasua Paaviaaraq Heilmann taama oqariartuuteqarpoq.

- Ukiorpassuarni atlantikup avannaani aalisarnermut politikkimik malinnaaninni malugisarpara, inussiarnisaarneq, torersumillu pissusilersornissaq pinerusartut. Oqaaserpassuit atorneqartarput, timitaliinissarli suleqatigiissutigisinnaasallu oqaluuserineqarpiarneq ajorlutik. Paaviaaraq Heilmann taama oqarpoq.

Paaviaaraq Heilmannip assersuutitut taavaa, qaleralinniartarnermut tunngatillugu piujuaannartitsinissaq malinneqarpallaarneq ajortoq.

- Uumasunik ilisimatuut inassutaat sinnerujussuarlugit assersuutigalugu Islandimiut tunumi qaleralinnik pisaqartarput piujuaannartitsinissaq eqqarsaatinagu. Isumaqarpunga ajornartorsiut paaseqatigiissutigalugu oqaloqatigiissutigisariaqarivut, qalerallimmi aningaasarpassuarnik naleqarmata aningaasallu piinnarlugit aalisapilukkutsigik siunissami aningaasanik nalilissuit amigaatigilissavavut. Taamaattumik Islandip, Savalimmiut nunattalu tamakkununnga tunngasut oqaloqatigiissutigisariaqarpaat. Paaviaaraq Heilmann oqarpoq.

Aamma isumaqarnerarpoq, Islandip, Savalimmiut nunattalu tamarmik immikkut EU-mut aalisarneq pillugu isumaqatigiissusiortarnerat tamanut pissarsissutaanerusumik aaqqinneqarsinnaagaluartoq, ataqatigiissaagaanngitsumik isumaqatigiissusiortarnerit pinnagit oqaloqatigiissutigineqarsinnaagaluarput. Ilumullimi isumaqatigiinniannginnerminni piareersalaartartuugunik EU-mut nukittoqutigissagaluarpaat. Paaviaaraq Heilmann oqarpoq.

Savalimmiuni ataatsimeersuarnermi nunat avannarliit killiit aamma Norgep inatsisartuini ilaasortat, ministerit, immikkut ilisimasallit, EU kiisalu aalisarnermut kattuffiit peqataapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat