Iliuuseqartoqartariaqarpoq
Silaannaap allanngoriartornera aaqqeriarneqarsinnaajunnaariartorpoq, tamanna naalagaaffiit peqatigiit silaanap allanngoriartorneranut ilisimasaqartuisa naqissuseqqippaat, spaniami illoqarfimmi Valenciami nalunaarusiamik saqqummiussinerminni.
Allattoq Jokum Nielsen
novembarip 17-at 2007 13:15
Nalunaarusiap decemberimi ataatsimiinnissami Balimi pisussap angusaqarfiusariaqarnera erseqqissaarpaa, Naalagaaffiit Peqatigiit siulittaasuat Ban Ki-moon oqarpoq, nangillunilu silaannaap allanngoriartornera tassaasoq nunarsuatsinni iliuuseqarfiginiagassat pingaarnersaat.
Naalagaaffiit peqatigiit silaanap allanngoriartorneranut ilisimasaqartui silaannaap pissusaanik ilinniaqqissaarsimasunik 2500 missaanik ilaasortaqarpoq, taakkulu oqaatigaat maannagaaq kissatsikkiartornerup gradenik marlunnik ataaniisitsiniarneq angenguneqarsinnaajunnaareersoq.
Inuit pisooqataanerat apeqquserneqarsinnaajunnaareerpoq, iliuuseqanngikkuttalu aaqqinneqarsinnaajunnaassaaq ilisimatuut oqarput.
