Iliuuseqartinnak eqqarsaqqaarit
apriilip 12-at 2005 16:08
Sisimiuni inunnik isumaginninnermik suliallit arlaqartut, ulluni tulliuttuni pingasuni pinerlunnaveersaartitsinissamut tunngasunik innuttaasunut paasisitsiniaalerput. Pitsaaliuinermik siunnersorti Ida Abelsen oqaloqatigaarput.
- Taamatut suliniarnitta aallaavigaa, angorusukkatsigu innuttaasut paasissagaat pinerluuteqarsimatilluni inunnut ataasiakkaanut, suliffissarsiussatilluni ilinniarnissamulluunniit qinnuteqassatilluni qanoq sunniuteqartarnersoq, Ida Abelsen oqarpoq nangillunilu; - Angajoqqaat meeqqat inuusuttullu nerriveeqqanut ornigullutik paasisassarsiorsinnaapput, aamma neriuppugut pinerluttalereersimasut paasisaqarlutik pinerlunnaveersaalernissamik angusaqarusulertut Ida Abelsen, Sisimiuni pitsaaliuinermik siunnersorti oqarpoq.
