Ilitsoqqussaralugu oqaatsit ulluat

Ullumi februaarip ulluisa 21-at tassaavoq Naalagaaffiit Peqatigiit ataani UNESCO-p ilitsoqqussaralugu oqaatsit ulloritittagaa.

Ilitsoqqussaralugu oqaatsit ulloqartinneqartarnerannut siunertaavoq nunarsuarmi tamarmi oqaatsit assigiingitsut 6.000-usut nalliussineqarnissaat.

Kiisalu oqaatsit aammalu piorsarsimassutsikkut assigiinngisitaarnerit siuarsarneqarnissaat, ataqqeqatigiinnikkut oqaloqatigiinnikkullu.

Nunatsinni Oqaasileriffik ingerlaannartumik ukiut tallimassaa aaqqissuussisarpoq, Nuummi Katuami oqaatsit assigiingitsut atorlugit saqqummiussisoqartarnerisigut. Inuit allamiutut oqaasillit assigiinngitsut katersorneqarsimapput – taallanik atuaaneqassalluni – nipilersortoqassalluni, ilaatigullu Tyrkiamiut naggueqatigut Inuktitut oqaasillit nipilersussallutik, franskit, tuluit, avanersuarmiut Inugguit, kiisalu norgemiut island-imiut tunumiullu tusarnaartitsissallutik.

Nipilersornermik Atuarfiup erinarsoqatigiivii, Musikskolens Kor kalaallisut finland-imiusullu erinarsorlutik unnuk aallarnissavaat. UNESCO-p oqariartuutaa ullumi aamma saqqummiunneqassaaq, tassalu ” Ilitsoqqussaralugu oqaatsit arlalinnillu oqaaseqartunut attaveqarneq” ilitsoqqussaralugu oqaatsit pigiinnarnissaat allamiullu oqaasiinik nalunngisaqarneq.