Ilitsersuisoq: Isiginnaartussat qilanaalereersinnaapput

- Inuusuttut sungiusartut nammineq inuttut misigisimasatik aallaavigalugit isiginnaartitsissapput, ilitsersuisoq Pipaluk Kreutzmann Jørgensen oqarpoq.

Pipaluk Betty Nansens Teaterimeersut suliniut C:NTACT aqqutigalugu sungiusaasartoq alla peqatigalugu inuusuttut septembarip tallimaanili suleqatigilerpaat.

Ilinniartitseqataajartortut allat tusaamaneqarnerusut tassaapput rappertartoq Peter "Peand El" Lyberth kiisalu ilitsersuisartoq Runi Lewerissa Betty Nansens Teaterimeersoq.

Pipaluk Kreutzmann Jørgen oqarpoq, ilitsersueqatini kalaallit taama ammatiginerinut assut tupigusuttoq

- Ilumut, kalaallinaasiit, takutippaat qanoq piginnaaneqartigalutik. Taamaammat isiginnaagassiaq assut torrallataassamaarpoq. Siunissamut isiginninnermik imaqarpoq, imarisaalu inuit tarrarsorfigilluarsinnaassaqaat, Pipaluk Kreutzmann Jørgensen nassuiaavoq, oqarluni isiginnaartussat qilanaalereersinnaasut.

Isiginnaartitsineq sapaammi septembarip 26-anni takuteqqaarneqassaaq.

Ajunngitsumillu ingerlanneqassappat ulluni arlalinni takutinneqariaannaasoq, isiginnaartitsinermik sungiusaasoq, Pipaluk Kreutzmann Jørgensen, oqarpoq.

Inuusuttunik isiginnaartitsinermik ilinniartitsineq Paamiut Asasaramit suliniutaavoq.