Ilitsersuisartut peqatigiiffittaarput
Nunarput imminut napatissinnaassappat ilinniagaqarneq pingaaruteqarnerpaanut ilaavoq. Nunatsinni inuusuttut ilinniagaqarnissaannut pingaarutilimmik inissisimasut tassaapput atuarfinni atuartunik annernik ilitsersuisartut, taakkumi inuusuttut ilinniakkamik eqqortumik aallartitsinissaannut ikiuuttussaapput.
Atuartunik annernik ilitsersuisartut 70-it sinneqartut Kangerlussuarmi sapaatip-akunnerani matumani ataatsimiinnerminni, ilitsersuisartut peqatigiiffissaannik pilersitsipput.
-Tamanna Nunatsinni Aqwqutissiuussisartunut paasisimasaqarluartumik aqqutissiuussisutut alloriarneruvoq angisooq, Johannes Jensen, Nunatsinni Aqqutissiuussisartunut Ilinniarfimmeersoq oqarpoq.
Meeqqat atuarfianni ilitsersuisartut, inuussutissarsiutitaarniarluni ilinniarfinni ilitsersuisut, Piareersarfinni ilitsersuisut aamma ilinniarfinni annerusuni kalaallillu illuini Danmarkimi ilitsersuisut ataatsimeersuarnermi peqataapput.
Ilitsersuisartut 70-it Nunatsinneersut peqataapput. Peqatigiiffittaami siulersuisunut ilaasortassanik qinersisoqarpoq, taakkulu kikkuussanersut piffissami qaninnermi inissitsiterneqarpata paasinarsissaaq.
Inissitsiternissamut Naya-Sophia Pedersen siulittaasuugallarpoq
