Ullorissat ilaata kaavittaatalu ilaanni qanoq annertutigisumik imeqarnersoq ilisimaneqanngilaq, naatsorsuinerilli ilaat naapertorlugit 50 procentiusinnaalluni.Assi: Scanpix

Ilisimatuut ullorissat ilaata kaavittaatalu ilaanni imermik nassaartut

Ulloriarsiuut ullorissat ilaata kaavittaatalu ilaanni erngup aalaanik siullerpaamik nassaarsimapput, ulloriarlu angalasoq uumassuseqaratarsinnaavoq.

Immikkut ilisimasallit University College Londonimeersut, qinngut ungasissorsiuut nunarsuarmik kaaviiaartoq Hubble atorlugu tamanna paasivaat.

Immikkut ilisimasallit ilisimatusarnermi paasisatitik atuagassiami Nature Astronomymi saqqummersippaat.

Ullorissap anga lasup silaannartaa erngup aalaanik qanoq annertutigisumik peqarnersoq sukumiinerusumik ilisimaneqanngilaq, kisitsisilli pissarsiarineqarsimasut takutippaat silaannartaata affaata missaa erngup aalaanik peqarsinnaasoq.

Immikkut ilisimasallit gassimik Heliumimik Hydrogenimillu ullorissap angalasup, K2-18b-mik taaguuserneqarsimasup, silaannartaani aamma nassaarsimapput. Ulloriaq angalasoq pineqartoq nunarsuarmit arfineq-pingasoriaammik angineruvoq.

Ulloriaq angalasoq K2-18b uumassuseqarfiusup nalaani inissisimavoq, ulloriaaqqallu kaavittaata ilaattut siornatigut ilisimaneqalerluni, aatsaalli tassa paasineqarpoq silaannartaa erngup aalaanik peqartoq.

- Ulloriaq angalasoq una avataarsuani uumassuseqartoqarneranik ujarlernermi maannamut pingaaruteqarnerpaavoq, ulloriarsiooq Giovanna Tinetti, University College Londonimeersoq oqarpoq,

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat