Paasissutissat assigiinngitsut 1.500-nik amerlanerusut uuttortarneqarsinnaasut misissuiffigineqartarput. Taakkua silap nillissusaanut kiassusaanut, nittaannernut, siallernernut, sermit nalunaarsuiffiginerinut kiisalu nunami imaanilu qanoq uumasoqartigalunilu naasoqartiginera nalunaarsortarpaat.Assi: Greenland Travel / Flickr

Ilisimatuut silap pissusiata allanngoriartornerata nunatsinni sunniutai misissoraat

Ilisimatuut misissuineranni GEM-imi nunatsinni paasissutissarpassuit katersorneqarput. Paasissutissat silap pissusiata allanngornerani pinngortitami susoqassaneranik ilisimasaqarnerulersitsissapput.

Kalaallit Nunaanni silap allanngoriartornerata kingunerisaanik pinngortitamut sunniutit sumiiffinni pingasuni misissuiffigineqarput.

Siunissamilu sila ullumikkornit suli allanngorarnerusassasoq misissuisut Greenland Ecosystem Monitoringimut, GEM-imut ilaasortaasut naliliipput.

Pinngortitaleriffik tusagassiuutinut nalunaaruteqarluni paasissutissiivoq.

AAMMA ATUARUK Geologer finder nye svar: Gigantiske kløfter under isen stammer fra floder

Misissuinerit misissuivinni Zackenbergimi Tunup Avannaarsuaniittumi, Qeqertarsuarmi Arktisk Stationi kiisalu Nuummi Kangerluarsunnguami misissuivigineqarput.

Paasissutissat assigiinngitsut 1.500-nik amerlanerusut uuttortarneqarsinnaasut misissuiffigineqartarput.

Taakkua silap nillissusaanut kiassusaanut, nittaannernut, siallernernut, sermit nalunaarsuiffiginerinut kiisalu nunami imaanilu qanoq uumasoqartigalunilu naasoqartiginera nalunaarsortarpaat.

Siunissami silap sakkortunerujussuarmik allanngortarnissaa naatsorsuutigineqarsinnaasoq aperujussuartarsinnaasorlu, aputillu kingusissukkut aattarnissaa ilimagineqartoq, Greenland Ecosystem Monitoringip katersugaataani takuneqarsinnaalissasoq, Pinngortitaleriffik allappoq.

Issittarnera, kiattarnera apisarneralu ukiumiit ukiumut nikerartorujussuusarpoq.

Taamaammallu ukiumiit ukiumut uumasut uumaniarnerannut naasoqarniarnermullu atugassaqartitaasut allanngorartuartut, misissuisut naliliipput.

AAMMA ATUARUK Kiannerunerata issittumi aasiaat amerlisikkai

GEM-ip misissuivinni pingasuni ingerlatsinera ukiumut 30 millionit koruunit missaannik akeqarpoq. Aningaasat pingaartumik Danmarkimi Avatangiisinut Silallu pissuasianut atatillugu aqutsisoqarfimmit aqunneqartumit, DANCEA-mit avatangiisinut aaqqiissuussineranneersuunerupput.

Namminersorlutik Oqartussalli aamma ilaatigut tapiissuteqartarput.

Ilisimatuut GEM-imi suliummik ukiuni 25-ni suliaqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat