Ilisimatuut: Silaannaap pissusia mumikkiartorpoq
Silaannaap kissatsikkiartornera nunatta imartaani maluginiarneqalereerpoq. Imartattalu kissatsikkartornera ilutigalugu Europa nillertikkiartulissaaq. Tuluit Nunaanni aviisi ullormut saqqummersartoq Sunday Times taama allappoq.
Ilisimatooq Cambridge-ip Universitetianeersup oqaatigaa Golfstrømmi sakkukillisinnaasoq.
Siku Qalasersuarmeersoq ukiut 20-it kingulliit ingerlanerini affaannanngorsimavoq, taamaalisimaneratigullu imaq nillertoq aamma annikillisimalluni.
Allatut oqaatigaalugu: Silaannaap kissatsikkiartornera ilutigalugu silap pissusia mumikkiartorsinnaavoq. Issittumi kiatsikkiartorluni Europamilu nillertikkiartorluni.
Qalasersuup sikutaata tamaat ukioq 2020-ip aasaanerani aassinnaalereersinnaassasoq ilisimatuut arlallit ilimagilereerpaat.