Ilisimatuut sermip aakkiartornera kigaallitinniarsaraat
Tyskit ilisimatuuisa skærm-ipiluunersuarmik ikkussillutik sermersuup aakkiartornera misilillugu kigaallisinniarsarileraat, nutaarsiassaqartitsiviup DR-p allaaseraa. Ilisimatuullu neriuutigaat taamaaliornikkut issi sermersuup nalaaniittoq taamaalillugu tamatuma nalaaniitiinnarneqarsinnaassasoq.
Allattoq Louise M. Kleemann
aggustip 15-at 2008 07:21
- Neriuppugut, taamatut skærmimik ikkussinerput sermersuup aakkiartorunnaamineranut iluaqutaasinnaassasoq, aakkiartuinnarnerali uninngippat taava sermip aakkiartornera taamaalillugu kigaallisinneqarsinnaavoq, taama suliniummi tassani siuttoq ilisimatooq Hans-Joachim Fuchs oqarpoq.
Skærmipiluunersuaq 3 meteri 15-riarlugu angissuseqartoq tyskit universitetianni ilisimatuunngornianit maanna misilillugu Schweizip ilaani ikkussorneqangajalerpoq.
Unnersiutigineqartorli erseqqissaatigineqarpoq, ilisimatusarneq tamanna ilisimatuunit aggustip 21-iata tungaanut malinnaavigineqaqqissaartussaavoq.
