Ilisimatuut Qeqertarsuarmi ulappupput

Qeqertarsuarmi Arktisk Stationi maanna pisoqarfioqaaq, uumassusilerisut ujarassiuullu illumi katersuussimammata.

Amerlaneruppulli uumassusilerisut, Qeqertarsuarmi naasut nunalu misissorrakkamikku.

Ilaasali uumassusillit allarluinnaat misissugaraat tassa Tysklandimeersut Afrikallu kujataaneersut kalaallit qimmii 14-it ukiuni tulliuttuni pingasuni misissuiffigissagamikkit.

Qimminik misissuineq aallarteqqammerpoq, uumassusilerisullu qimmit aasakkut ukiukkullu malinnaavigisassavaat, maanna misissuinerat septembarip tungaanut ingerlariarluni februaarimi misissuiartoqqinniarput.

Ujarassiuut sisamat aamma Kuannersuit imaat misissuiffigigaat uumassussilerisullu marluk arfernik misissuiartorlutik tikissimasut Arktisk Stationimi aqutsisoq Akaaraq Mølgaard oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat