Ilisimatuut piniartullu misissueqatigiilerput

Alaskami Canadami Nunatsinnilu piniartut arfineq-pinngasut, ilisimatuut suleqatigalugit, Qaanaami immap sikuanik ilisimasanik paarlaasseqatigiinnissamik siunertaqarlutik misissuinialerput. Misissuinermi aqutsisuusoq, Lene Kielsen Holm ima oqarpoq:

- Silap pissusaata allanngoriartornera tunngavigalugu, allannguutillu aallaavigalugit takusassat orninneqassapput. Piniartut ilisimasaat ilisimatuullu ilisimasaat assigiinngittaramik, taammaammat tamatta immitsinnut paarlaasseqatigiinnissarput aamma siunertaavoq. Ilisimatuut nutaanik isilerlutik taavalu piniartut ilisimariinngisaminnik aamma pissarsinissaat anguniarneqarpoq, Lene Kielsen Holm oqarpoq nangillunilu: - Uani misissuinermi, immap sikianik ilisimatuutut piniartut isigineqarput. Misissuinermi sikup pissusaa ilulissallu qanoq inissisimasarneri aamma allattorneqassapput, paassissutissallu toqqorterneqartut tassaajumaarput, kinguaatta paasisassarsiorfigalugit alakkartarsinnaajumaagaat. Taama oqarpoq, Qaanaami ilisimasassarsiortuni aqutsisuusoq, Lene Kielsen Holm.