Ilisimatuut Nuup eqqaani misissuilersaarput

Ilisimatuut Danmarkimi avatangiisinut misissuisitsisarfimmeersut nunatsinni silaannaap allanngoriartornerata inunnut, uumasunut naasunullu qanoq kinguneqarsinnaaneranik misissuisut maanna Nuup eqqaani misissuipput.

Silaannaap allanngoriartornerata misissuivigineqarnera Pinngortitaleriffimmit aqunneqarpoq. Ilisimatooq Mads Forchhammer Danmarkimi avatangiisinut misissuisitsisarfimmeersoq misissuineq pillugu ima oqarpoq.

Silaannaap allanngoriartornera pillugu paasisaqarumalluta Kalaallit Nunaata kitaata nunataa maanna misissuivissatut piukkunnarnersiorfigaarput. Nunali kisiat misissornagu imaq, sialuit, nittaallat sermerlu misissorniarpavut. Tassa imaappoq sumiiffimmik tamalaanik paasisaqarfigisinnaasatsinnik misissuissaagut, taama oqarpoq, ilisimatooq Mads Forchammer.

Taanna erseqqissaavoq silaannaap allanngoriartornera pineqartillugu, siammasissorujussuarmik misissuisoqartariaqartoq immamiit nunamut silaannarmullu tamarmik misissorneqartariaqalersartut.

Tamakkorpassuit misissoreerutsigit taava assersuutigalugu oqaatigisinnaaniartussaavagut, silaannaq kiannerulerpat tuttunut ima imalu kinguneqarsinnaasoq, ikiliartornersut allatulluunniit, kiisalu qanoq siallertigalunilu nittaatsigissanersoq.

Misissugassarpassuit tamakku takujuminaassinnaapput, ilisimasalli assigiinngitsukkaat kattullugit misissuigaanni oqaatigiuminarnerulersarput, taama oqarpoq Mads Forchammer.

Sapaatip-akunnerata tulliani ilisimatuut sumi misissuiumaarnertik aalajangiutissavaat. Maannamut Utoqqarmiut Kangerluarsunnguat misissuivissatut piukkuppaat.

Tamatuma nalaani misissuisoqarnissaanik piukkussinertik tunngaveqartippaat, ilisimatuunut ilinniartunullu avatangiisit pillugit sammisalinnut qaninnerummat.

Taama ilisimatusarneq ukiumut 5 millioni koruunik naleqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat