Ilisimatuut nunatta imartaata naqqani diamantissarsiortut

GEUS-imit ilisimatuut nunatta imartaata naqqani septembarimi diamantissarsiorput. Tamatuma inernera suli ilisimaneqanngilaq.

Allattoq Ritzau

oktobarip 21-at 2021 11:19

Kalaallit Nunaata imartaata naqqani aligoqqinnik peqarnersoq immikkut ilisimasallit misissuleruttorpaat.

Danmarkimi Kalaallit Nunaannilu nunap qanoq issusianik misissuiffik GEUS, taama oqaluttuarpoq.

Suliffeqarfik De Beers sinnerlugu misissuisoqarpoq. De Beers aligoqqinnik ilaatigut qalluillunilu tunisassiortuuvoq.

Issittup imartaata naqqa pillugu paasissutissat GEUS aallarniutigalugu septembarip naalernerani ulluni arfineq-pingasuni misissuivoq.

Kalaallit Nunaanni naalakkersuisut nalunaarusiaanni tamanna atuarneqarsinnaavoq. Misissuinerup avatangiisinut sunniutigisinnaasai nalunaarusiami eqqartorneqarput.

Misissuinermi inernerit siulliit suli saqqummiunneqanngillat.

Kalaallit Nunaata kitaani nunami aligoqqinnik nassaassaqartoq ilisimaneqareerpoq.

Aligoqqiilli immap naqqanut qanoq ilillutik pisimanersut De Beersip akissutissarsiniarsarpaa.

Suliffeqarfik Londonimi allattoqarfilik nunatta kitaani misissuisinnaanissamut akuersissummik 2019-imi tunineqarpoq.

Immallu naqqani misissuisinnaanissamut akuersissummik siorna 2020-mi oktobarimi aamma tunineqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.